نجل بنكيران يرد على العماري :”السفاهة مراتب ونتا تقدمتي فيها بزاف”

رد رضوان بنكيران، ابن رئيس الحكومة والأمين العام لحزب العدالة والتنمية، عبد الاله بنكيران، بلهجة قوية على غريم أبيه، رئيس جهة طنجة تطوان الحسيمة والأمين العام لحزب الأصالة والمعاصرة، الياس العماري.

نجل بنكيران وفي تدوينة على حسابه الخاص على موقع التواصل الاجتماعي فايسبوك، كتب “ما كيعجبنيش التعليق بزاف على الأحداث السياسية الظرفية آو مواقف السياسيين، ولكن مكنتش كنتخيل شي حد شي نهار غادي ينزل لهاد المستوى”، موجها حديثه لإلياس العماري. حيث استرسل قائلا: “السي الياس الشباب فالمغرب ما خاصهومش السروال الرايبان ، حيت اصلا كيلقاوهم فالجوطية اميتاسيون قل من ٣٠ درهم البياسة و حامدين الله، الشباب خاصهم يوقفو مع راسهم، و عائلتهم، ويدخروا لمستقبلهم، ويرتاحو على صحتهم، و صحة واليدهم لي ماكانتش التغطية الصحية فوقتهم، الشباب خاصهم وسائل التواصل و التعبير والتعلم المستمر، خاصهم المرافق الاساسية والرياضية، خاصهم يفكرو فوليداتهم ، باش ايقريوهم و فاينا ضروف غيكبروهم، هادشي لي كيخلي السميك راتب تيعيشك على عتبة الفقر ، و ادا كان كيوكلك، را كيخلي اي حادث يحول حياتك الى جحيم”.

هذا وتابع رضوان بنكيران حديثه قائلا:” “كذلك فهو من منتهى السفاهة اعتقاد ان كل ما يهم البنات او النساء الرايبان والسروال، كاين النساء تباركالله لي كتزوج بالرجل او هو مازال كيقرا، حيت كتشوف فيه الهمة و الرغبة فالتطور، كاين النساء لي كتزوج بالراجل وهوا ما عندوا والوا حيت كتشوف فيه الصدق و الامانة و القوة و عارفة سيدي ربي ماغايخيبهومش، كاين لي كتقتنع بالراجل فقط لانها ترى من حسن الخلق، واخا اتكون هيا اتخدموا معاها”.

قبل أن يضيف :”النساء المغربيات ليس معظمهن كما يحلوا لك في مخيلتك، لا يهمهم سوى السيارات الفارهة و الساعات العالية و الملابس البالية، و ما رأيت قبل هادا تبضيعا واختزالا للمرأة من سياسي آخر في العالم كما رأيته في قولتك”، قبل أن يختم بالقول:” الحاصول، السفاهة مراتب، و اعتقد انك تقدمتي فيها بزاف”.